Porta Portese-markaðurinn er einn sá stærsti sinnar tegundar í Evrópu og heimsókn þangað er sannkölluð sunnudagshefð meðal Rómverja. Á markaðnum má finna nær allt milli himins og jarðar: nýjan og notaðan fatnað, vintage-vörur, fylgihluti, forngripi, málverk, bækur, skartgripi, úr, húsgögn, vínylplötur, raftæki og margt fleira.

Hildur Hinriksdóttir, búninga- og textílhönnuður og reyndur leiðsögumaður, leiðir okkur um markaðinn. Hún gefur góð ráð um hvar leita má að áhugaverðum munum og hvernig hægt er að gera góð kaup. Við skoðum einnig hluta markaðarins sem heimamenn þekkja vel en gestir sem koma í fyrsta sinn ganga oft fram hjá.

Á leiðinni heimsækjum við Roberto, sem hefur selt vörur á Porta Portese á hverjum sunnudegi í um 40 ár. Röltinu lýkur síðan með léttum, ítölskum morgunverði.