Trastevere er eitt litríkasta og líflegasta hverfi Rómar og tilvalinn staður til að kynnast matarmenningu borgarinnar. Við röltum um þröng stræti og lífleg torg og stöldrum við á völdum stöðum til að bragða á klassískum rómverskum kræsingum. Með matnum fáum við einnig vín eða bjór. Allur matur og drykkir sem boðið er upp á í röltinu eru innifaldir í verðinu.

Matarröltið snýst þó ekki aðeins um mat. Á leiðinni kynnumst við daglegu lífi, sögu og sérstöku andrúmslofti Trastevere.

Hildur Hinriksdóttir leiðir röltið. Hún er búninga- og textílhönnuður, menntuð í Róm, og hefur langa reynslu af leiðsögn. Hildur þekkir hverfið vel og leiðir gesti að nokkrum af skemmtilegustu stöðum þess.